UEFA Çempionlar Liqasında əsas mərhələyə start verilib.
AZƏRTAC xəbər verir ki, Azərbaycanın turnirdəki yeganə təmsilçisi “Qarabağ” da əsas mərhələdə mübarizəyə başlayıb.
Son ölkə çempionu ilk sınağına Portuqaliyada çıxıb. İkinci dəfə turnirin əsas mərhələsinə vəsiqə qazanan Ağdam təmsilçisi Lissabonda “Benfika”nın qonağı olub. “Da Luş” stadionda keçirilən görüş komandamızın əzmkar qələbəsi ilə başa çatıb - 3:2.
Oyuna inamsız başlayan “Qarabağ” 6-cı və 16-cı dəqiqələrdə buraxılan qollarla hesabda 2 top fərqi ilə geri düşüb. Buna baxmayaraq, ruhdan düşməyən Azərbaycan çempionu 30-cu dəqiqədə Leandro Andradenin qolu ilə hesab arasındakı fərqi azaldıb. İlk hissə rəqibin 2:1 hesablı üstünlüyü ilə yekunlaşıb. İkinci yarıya əla start verən ağdamlılar yeni transferi Kamilo Duranın dəqiq zərbəsi ilə tarazlığı bərpa edib. Matçda son nöqtəni isə 86-cı dəqiqədə Aleksey Kaşuk qoyub. Bununla da “Qarabağ” Çempionlar Liqasının əsas mərhələsində ilk qələbəsini qazanıb.
Qeyd edək ki, “Qarabağ” Liqa mərhələsində növbəti oyununu oktyabrın 1-də Bakıda Danimarkanın “Kopenhagen” komandasına qarşı keçirəcək.
00:10
UEFA Çempionlar Liqasının əsas mərhələsinin I turunda Portuqaliyada “Benfika” ilə "Qarabağ" komandaları arasında keçirilən oyunda dördüncü qol vurulub.
AZƏRTAC xəbər verir ki, Lissabon şəhərindəki “Da Luş" stadionunda təşkil olunan görüşün 48-ci dəqiqəsində Ağdam təmsilçisinin heyətində Kamilo Duran fərqlənib.
00:03
UEFA Çempionlar Liqasının əsas mərhələsinin I turunda Portuqaliyada “Benfika” ilə "Qarabağ" komandaları arasında keçirilən oyunda ikinci hissə başlayıb.
AZƏRTAC xəbər verir ki, Lissabon şəhərindəki “Da Luş" stadionunda təşkil olunan görüşün ilk yarısından sonra rəqib 2:1 hesabı ilə qalib gəlir.
23:50
UEFA Çempionlar Liqasının əsas mərhələsinin I turunda Portuqaliyada “Benfika” ilə “Qarabağ” komandaları arasında keçirilən oyunda ilk hissə başa çatıb.
AZƏRTAC xəbər verir ki, Lissabon şəhərindəki “Da Luş" stadionunda təşkil olunan görüşün fasiləsinə rəqib 2:1 hesablı üstünlüklə yollanıb.
23:30
UEFA Çempionlar Liqasının əsas mərhələsinin I turunda Portuqaliyada “Benfika” ilə "Qarabağ" komandaları arasında keçirilən oyunda üçüncü qol vurulub.
AZƏRTAC xəbər verir ki, Lissabon şəhərindəki “Da Luş" stadionunda təşkil olunan görüşün 30-cu dəqiqəsində Ağdam təmsilçisinin heyətində Leandro Andrade rəqibi cəzalandırıb.
23:20
UEFA Çempionlar Liqasının əsas mərhələsinin I turunda Portuqaliyada “Benfika” ilə "Qarabağ" komandaları arasında keçirilən oyunda ikinci qol vurulub.
AZƏRTAC xəbər verir ki, Lissabon şəhərindəki “Da Luş" stadionunda təşkil olunan görüşün 16-cı dəqiqəsində rəqibin heyətində Vangelis Pavlidis diqqət mərkəzinə düşüb.
23:10
UEFA Çempionlar Liqasının əsas mərhələsinin I turunda Portuqaliyada “Benfika” ilə "Qarabağ" komandaları arasında keçirilən oyunda hesab açılıb.
AZƏRTAC xəbər verir ki, Lissabon şəhərindəki “Da Luş" stadionunda təşkil olunan görüşün 6-cı dəqiqəsində rəqibin heyətində Entso Barrenеçеа fərqlənib.
23:00
UEFA Çempionlar Liqasının əsas mərhələsinin I turunda Portuqaliyada “Benfika” ilə “Qarabağ” komandaları arasında keçirilən oyun başlayıb.
AZƏRTAC xəbər verir ki, Lissabon şəhərindəki “Da Luş” stadionunda təşkil olunan görüş Bakı vaxtı ilə saat 23:00-da start götürüb.
Matçı belçikalı FIFA referisi Erik Lambrexts idarə edir.
