1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Yaponiyanın Baş naziri Siqeru İsiba Birləşmiş Millətlər Təşkilatının (BMT), xüsusilə də Təhlükəsizlik Şurasının (TŞ) öz funksiyalarını tam yerinə yetirmək qabiliyyətinə şübhə etdiyini bildirib və qurumun islahatı çağırışı ilə çıxış edib.
Oxu.Az TASS-a istinadla xəbər verir ki, o bu fikirləri BMT Baş Assambleyasının 80-ci sessiyasının ümumi siyasi müzakirəsində səsləndirib.
"Biz sual verməliyik: BMT həqiqətən də ondan gözlənilən vəzifələrin öhdəsindən gəlirmi? O, funksiyalarını tam şəkildə icra edirmi?" - deyə İsiba vurğulayıb.
Baş nazir xüsusilə TŞ-nin veto hüququ sistemini tənqid edib.
"İndi TŞ-nin islahatını həyata keçirmək üçün qətiyyət göstərmək vaxtıdır", - deyə o əlavə edib.
İsiba TŞ-nin daimi və qeyri-daimi üzvlərinin sayının artırılmasını təklif edib. Bununla yanaşı, o qeyd edib ki, sadəcə üzvlərin sayının artırılması yetərli olmayacaq:
"Əminəm ki, TŞ-ni həm daha təmsilçi etmək, həm də səmərəliliyini azaltmadan saxlamaq mümkündür".
Baş nazir, həmçinin bildirib ki, əgər TŞ-yə yeni daimi üzvlər qəbul ediləcəksə, onlar ilk 15 il ərzində veto hüququndan istifadə etmək imkanına malik olmamalıdırlar.
