"Football-plus.az" xəbər verir ki, o, AFFA-nın mətbuat xidmətinə açıqlamasında üzərində böyük məsuliyyətin olduğunu deyib:
“Azərbaycan milli komandasında işləmək hər bir məşqçi üçün böyük şərəf və məsuliyyətdi. Mənə göstərilən etimada görə AFFA rəhbərliyinə təşəkkürümü bildirirəm. Bu etimadı doğrultmaq üçün əlimdən gələni edəcəm. Milli komanda hər birimizin qürurudu. İstər bizim, istərsə də futbolçularımızın üzərində böyük məsuliyyət var. Bir komanda kimi həm meydanda, həm də ondan kənarda ölkəmizi layiqincə təmsil etməyə çalışacağıq. Bir yumruq kimi birləşərək, düzgün yanaşma və komanda ruhu ilə yaxşı nəticələr qazanmaq istəyirik. Azərbaycan azarkeşləri daim millinin yanında olublar. Onların dəstəyi bizim üçün böyük motivasiya mənbəyidi. Qarşıdakı matçlarda layiqli oyun göstərərək, gələcək üçün ümid verməyə çalışacağıq”.
Xatırladaq ki, Fernandu Santuş istefaya gpndərildikdən sonra A millimizi DÇ-2026-nın seçmə mərhələsi çərçivəsində Ukrayna ilə son görüşə də Ayxan Abbasov çıxarıb. Bu gün isə AFFA prezidenti Rövşən Nəcəf mütəxəssislə görüşüb.
Yığmamız oktyabrın 10-da Fransa ilə, 13-də isə Ukrayna yığması ilə səfərdə qarşılaşacaq.
