Fövqəladə Hallar Nazirliyi (FHN) yağıntılı hava şəraiti ilə bağlı əhaliyə müraciət edib.
Milli Hidrometeorologiya Xidmətinin məlumatına görə, ölkə ərazisində müşahidə olunan yağıntılı hava dekabrın 11-i gündüzədək davam edəcək.
Doğru.az xəbər verir ki, yağışın ayrı-ayrı yerlərdə leysan xarakterli intensiv olacağı, bəzi ərazilərdə subasmanın, çaylarda isə qısamüddətli sel və daşqının baş verəcəyi proqnozlaşdırılır.
FHN əhalini təhlükəsizlik qaydalarına riayət etməyə çağırır.
Müraciətdə bildirilir:
“İntensiv yağıntının səbəb ola biləcəyi subasma, sel və daşqından qorunmaq üçün təhlükəli ərazilərdən uzaq durun, belə vəziyyətlə qarşılaşdıqda dərhal yaxınlıqdakı yüksəkliyə qalxın və xilasedicilərin çağırışlarına əməl edin. Təhlükə zamanı 112-yə zəng etmək lazımdır”.
DOĞRU.AZ
