Entso Mareska “Çelsi”nin baş məşqçisi vəzifəsindən ayrılıb.
İdman.Biz bildirir ki, bu barədə klub rəsmi məlumat yayıb.
“Çelsi” Futbol Klubu və onun baş məşqçisi Entso Mareska yollarını ayırıblar. Klubda işlədiyi müddətdə Entso komandanı Konfrans Liqasında və Klublararası Dünya çempionatında uğura aparıb. Bu nailiyyətlər Klubun yaxın tarixinin əhəmiyyətli bir hissəsi olaraq qalacaq və biz ona Klubun inkişafına verdiyi töhfəyə görə təşəkkür edirik.
Çempionlar Liqasına vəsiqə də daxil olmaqla, dörd yarışda əsas məqsədlərə hələ də nail olunmalı olduğu üçün Entso və Klub bu dəyişikliyin komandaya yenidən yoluna qayıtmaq üçün ən yaxşı şansı təqdim etdiyinə inanırlar”, - klubun açıqlamasında deyilir.
Mareska 2024-cü ilin yayında “Çelsi”yə rəhbərlik etməyə başlayıb. Onun rəhbərliyi altında klub Konfrans Liqasını və Klublararası Dünya çempionatını qazanıb.
London klubu hazırda 19 oyundan 30 xalla Premyer Liqa turnir cədvəlində beşinci yerdədir. “Göylər” bütün yarışlarda son doqquz oyundan yalnız ikisində qalib gəlib.
