Hikmət Qafarlı Ermənistan yığmasının oyununa təyinat aldı – ARENA.AZ

Azərbaycanlı futzal hakimi Hikmət Qafarlı Avropa çempionatının final mərhələsində Ermənistan millisinin oyununa təyinat alıb.

Arena.az bu barədə Azərbaycan Futzal federasiyasının rəsmi saytına istinadən xəbər verir.

Xəbərdə bildirilir ki, Hikmət Qafarlı Avropa çempionatının final mərhələsi çərçivəsində bu gün baş tutacaq Ermənistan – Ukrayna matçında timekeeper kimi hakimlər briqadasına kömək edəcək.

Qeyd edilir ki, bu, həm də FIFA referisinin futzal üzrə Avropa çempionatının final mərhələsinə ilk təyinatıdır.