İranda hökumət əleyhinə etirazların daha iki iştirakçısı edam edilib.
Yeniavaz.com xəbər verir ki, bu barədə SNN telekanalı məlumat yayıb.
Telekanalın məlumatına görə, edam edilən şəxslərin qadağan olunmuş “Mücahidin-e Xalq” (“İran Xalq Mücahidləri Təşkilatı”) terrorçu qrupu ilə əlaqəli olduğu bildirilib.
Telekanalın bildirdiyinə görə, onlar dövlət qurumlarına qarşı qumbaraatanlardan istifadə edərək, terror hücumları törətməkdə və partlayıcı qurğular hazırlamaqda təqsirli biliniblər.
İstintaqın nəticələrinə görə, hər ikisi üsyankarlığa görə edam cəzasına məhkum edilib. İran Ali Məhkəməsi hökmü qüvvədə saxlayıb.
Telekanalın məlumatına görə, 31 mart səhəri məhkumlar asılıb.
Qeyd edək ki, martın 30-da “Tasnim” agentliyi İranda terror hücumları törətdiklərinə görə “Mücahidin-e Xalq” qrupunun iki üzvünün edam edildiyini bildirmişdi.
