ÇL: “Atletiko” “Barsa”nı, PSJ “Liverpul”u yarımfinala buraxmadı – ARENA.AZ

Bu gün futbol üzrə UEFA Çempionlar Liqasında (ÇL) 2025/2026-cı illər mövsümünün ilk yarımfinalçıları müəyyənləşiblər.

Arena.az xəbər verir ki, buna 1/4 final mərhələsinin cavab görüşlərində aydınlıq gəlib.

İlk oyun günündə 2 qarşılaşma baş tutub. İspaniya klublarının duelində “Atletiko” öz meydanında “Barselona”nı sınağa çəkib. Madrid təmsilçisi səfərdəki ilk matçda rəqibini 2:0 hesabı ilə məğlub etmişdi. Cavab görüşü “Barselona”nın xeyrinə bitsə də, ümumi nəticə “Atletiko”nu yarımfinala çıxarıb.

Günün digər görüşündə isə İngiltərənin “Liverpul” komandası Fransa nəhəngi PSJ ilə üz-üzə gəlib. Parisdəki ilk oyunda Fransa təmsilçisi 2:0 hesablı qələbə qazanmışdı. PSJ cavab görüşündə də oxşar hesabla qalib gələrək yoluna davam edib.

Qeyd edək ki, ÇL-in 1/4 final mərhələsinə sabah yekun vurulacaq.

UEFA Çempionlar Liqası
1/4 finalın cavab oyunları
14 aprel

Atletiko (İspaniya) – Barselona (İspaniya) 1:2
Qollar: A.Lukman, 31 – L.Yamal, 4. F.Torres, 24.
İlk oyun – 2:0

Liverpul (İngiltərə) – PSJ (Fransa) 0:2
Qollar: U.Dembele, 72; 90+1.
İlk oyun – 0:2