Ukraynanın Odessa vilayətində gecə saatlarında pilotsuz uçuş aparatları ilə endirilən zərbələrdən sonra güclü yanğın baş verib.
Bizim.Media xəbər verir ki, bu barədə “Strana.ua” məlumat yayıb.
Məlumata görə, yanğın Çernomorsk şəhərində qeydə alınıb. Bundan əvvəl yerli sakinlər partlayış səsləri eşidiblər.
Bundan başqa, Ukraynanın Sumı vilayəti də hücuma məruz qalıb. Vilayət hərbi administrasiyasının məlumatına görə, Konotop şəhərində infrastruktur obyektinə zərbə qeydə alınıb.
Paytaxt Kiyevdə də partlayış səsləri eşidilib. Şəhər meri Vitali Kliçko hava hücumundan müdafiə sistemlərinin işə düşdüyünü bildirib.
Bizim.Media
