NATO qüvvələrinin Ukraynaya göndəriləcəyi təqdirdə Şimali Atlantika Alyansı Rusiya ilə döyüşməyə hazır deyil.
Editor.az xəbər verir ki, bu barədə X sosial şəbəkəsində Pentaqon rəhbərinin müşaviri, istefada olan polkovnik Duqlas Makqreqor bildirib.
“Əgər NATO qoşunları Ukrayna ərazisinə daxil olarsa, Rusiya ilə müharibə başlayacaq. Rusiya buna hazırdır, amma biz yox”, – o yazıb.
Bundan əvvəl Polşa Xarici İşlər Nazirliyinin rəhbəri Radoslav Sikorski bəyan etmişdi ki, Ukraynanın NATO-ya ölkə münaqişədə olduğu bir vaxtda dəvət edilməsi Şimali Atlantika Alyansı ilə Rusiya arasında müharibəyə gətirib çıxara bilər.
//Gülnarə Abasova, Editor.az
