Moskva, 8 fevral, AZƏRTAC
Rusiya Azərbaycanda Ticarət-Sənaye Palatasının fəxri nümayəndəliyinin ofisini açır.
AZƏRTAC xəbər verir ki, Palatanın fəxri nümayəndəsi Mariya Suvorovskaya təyin olunub.
Fəxri nümayəndəliyin ofisi Bakıda artıq fevralda açılacaq. RF Ticarət-Sənaye Palatasının prezidenti Sergey Katırin “Biznes-Dialoq Media” MMC-nin baş direktoru, “Russian Business Guide” nəşrinin baş redaktoru, Moskvaətrafı Jurnalistlər Birliyinin İdarə Heyətinin üzvü Mariya Suvorovskayaya Rusiya Palatasının Azərbaycanda qanuni maraqlarını təmsil etmək səlahiyyəti verib.
Xatırladaq ki, 2024-cü ilin yanvarında Azərbaycan və Rusiya 2026-cı ilədək iqtisadi qarşılıqlı fəaliyyət üzrə yol xəritəsini imzalayıblar. Sənəd ikitərəfli əməkdaşlığın, xüsusən də iqtisadiyyat, ticarət və investisiya, sənaye, kənd təsərrüfatı və qida təhlükəsizliyi, nəqliyyat və energetika kimi sahələrdə inkişafına yönəldilib.
Fəridə Abdullayeva
AZƏRTAC-ın xüsusi müxbiri
Moskva
