ABŞ prezidenti Co Bayden bəzi rəsmilərin güclü etiraz dalğalarına və mümkün problemlərlə bağlı xəbərdarlıqlara baxmayaraq, Qəzza zolağına humanitar yardım çatdırmaq üçün üzən estakada tikmək üçün yaşıl işıq yandırıb.
Publika.az xəbər verir ki, bu barədə "Washington Post" yazır.
"Prezidentə xəbərdarlıq edilib ki, layihə İsraili bölgəyə əlavə quru yolları açmağa məcbur etmək səylərindən yayındıra bilər", - bu barədə ABŞ Baş Müfəttişlik İdarəsinin hesabatında deyilir.
Mart ayında humanitar vəziyyətin pisləşdiyi bir vaxtda Bayden Qəzzaya dəniz yolu ilə yardımın çatdırılması üçün bir sistemin yaradılmasını elan edib. Layihənin Amerika vergi ödəyicilərinə təxminən 300 milyon dollara başa gələcəyi gözlənilir.
İyul ayında prezidentin milli təhlükəsizlik müşaviri Ceyk Sallivan Birləşmiş Ştatların bu estakada vasitəsilə humanitar yardımın çatdırılması əməliyyatını məhdudlaşdırmaq niyyətini açıqlayıb.
