İsrail ordusu Qəzza zolağına ağır zərbələr endirib

İsrail ordusunun mühasirə altındakı Qəzza zolağına intensiv hücumları davam edir.
İsrail ordusunun Qəzza zolağının müxtəlif bölgələrinə gecə boyu təşkil etdiyi hücumlarda ölən və yaralananlar olub.
Fələstinin rəsmi WAFA xəbər agentliyinin yaydığı məlumatda İsrail qüvvələrinin Qəzza zolağının şimalındakı Cibaliye qaçqın düşərgəsində törətdiyi hücumlar nəticəsində azı 11 fələstinlinin öldüyü bildirilib. Hücumda yaralananların da olduğu qeyd olunub.
İsrail döyüş təyyarələri və artilleriya bölmələri Qəzzanın Şeyx Rıdav, Tuffah və Şucaiyye məhəllələri, Yaffa küçəsi, Qəzza şəhəri və Nezzale bölgəsinə hücum edib.
İsrailin Deyr əl-Belahdakı Büreyc qaçqın düşərgəsini və Qəzza zolağının cənubundakı Rəfah şəhərində bir qrup köçkünü hədəf alması nəticəsində ölən və yaralananlar olub.