Bakı, 2 oktyabr, AZƏRTAC
"Uzun yol qət etmişik. Sabah bizi çətin oyun gözləyir".
AZƏRTAC xəbər verir ki, bu sözləri İsveçin "Malmö" komandasının futbolçusu Yens Larsen UEFA Avropa Liqasının əsas mərhələsində Bakıda "Qarabağ"a qarşı keçirəcəkləri II tur oyunundan öncə təşkil olunan mətbuat konfransında deyib.
Danimarkalı müdafiəçi Azərbaycandan qələbə ilə qayıtmaq istədiklərini bildirib: "Qarabağ" güclü komandadır. Avrokuboklarda yaxşı təcrübəyə malikdir. İnanıram ki, qələbə qazanacağıq".
Qeyd edək ki, oktyabrın 3-də Tofiq Bəhramov adına Respublika Stadionunda keçiriləcək "Qarabağ" - "Malmö" oyunu saat 20:45-də başlayacaq.
