Bazar günü Gürcüstanın iri şəhərlərində etiraz aksiyası davam edib.
Aksiya iştirakçıları dördüncü gündür ki, hökumətin Avropa İttifaqına üzvlüklə bağlı danışıqları 2028-ci ilə qədər dondurması qərarına etiraz edirlər.
Aksiyaya polis zorakılığı ilə müşahidə olunub, 200 dən çox etirazçı saxlanılıb.
Ölkənin Baş naziri İrakli Kobaxidze deyib ki, “Gürcüstanın ukraynalaşdırılmasına” icazə verməyəcək.
“Gürcü Arzusu”nun siyasətinin sərt tənqidçisi, Prezident Salome Zurabişvili şənbə günü parlamenti legitim hesab etmədiyini və buna görə də öz vəzifəsində işləməyə davam edəcəyini bildirib. Onun vəzifə səlahiyyətləri sona yaxınlaşıb.
BBC-yə müsahibəsində Zurabişvili bildirib ki, onun ölkəsinin sabitliyə və yeni seçkilərə ehtiyacı var.
Hökumətin Avropa İttifaqına üzvlüklə bağlı danışıqları təxirə salması ilə bağlı qərarından sonra Gürcüstanın bəzi diplomatları istefa verib, müxtəlif nazirliklərin rəsmiləri etirazçılara dəstək nümayiş etdirib.
Şəklin mənbəyi, Reuters
