Pentaqonun sözçüsü Patrik Rayder bildirib ki, ABŞ hakimiyyəti KXDR kəşfiyyat peykinin Yerin aşağı orbitinə uğurla buraxılmasını tanıyır.
SİA-nın əldə etdiyi məlumata görə, bu barədə xəbəri TASSyayıb.
Rayder bu barədə jurnalistlər üçün keçirdiyi brifinq zamanı bildirib. O, əlavə edib ki, peykin orbitə çıxarılması üçün ballistik raket texnologiyasından istifadə olunub. Bununla belə, Ryder heç bir əlavə təfərrüat açıqlamayıb.
“Biz onun orbitə buraxıldığını və bunun üçün ballistik raket texnologiyasından istifadə edildiyini bilirik”-deyə Ryder bildirib.
Xatırladaq ki, noyabrın 22-də Şimali Koreya hakimiyyəti “Mulligyong-1”kəşfiyyat peykinin orbitə uğurla buraxıldığını elan etmişdi.
Pxenyan daha sonra elan etdi ki, orbitə buraxılan peyk Ağ Evin, ABŞ Müdafiə Nazirliyinin, eləcə də ABŞ-ın Norfolkdakı hərbi dəniz bazasının bir neçə fotoşəkilini çəkib.
Nazlı
