ABŞ Çindən idxala 245% rüsum tətbiq etməyə hazırdır...
Poliqon xəbər verir ki, bu barədə Ağ Evin mətbuat xidməti məlumat yayıb.
Ağ Ev bildirib ki, ABŞ-ın tarifləri ilə hədəflənən ölkələrin əksəriyyəti vəziyyəti həll etmək və yeni ticarət müqavilələri bağlamaq üçün artıq danışıqlardadır. Pekin danışıqlara girməyib.
"Çinin cavab tədbirləri nəticəsində o, ABŞ-dan idxal olunan mallara 245%-ə qədər tariflərlə üzləşib", deyə bildirilib.
Aprelin 2-də ABŞ prezidenti Donald Tramp 185 ölkə üçün idxal rüsumlarının yeni sistemini tətbiq edib. Baza dərəcəsi bütün idxal olunan mallar üzrə 10%, ayrı-ayrı ölkələr üçün isə xeyli yüksək olub - Çin üçün 34%, Vyetnam üçün 46% və Avropa İttifaqı üçün 20%. Buna cavab olaraq Çin də Amerika mallarına 34% rüsum tətbiq edib. Dünya liderləri Trampın qərarını pisləyərək qisas alacağı ilə hədələyiblər.
Buna cavab olaraq Pekin Amerika əleyhinə tarifləri artırmağa başlayıb. Nəticədə ABŞ Çinə qarşı tarifləri 145%-ə, Çin isə ABŞ-a qarşı tarifləri 125%-ə qaldırıb.
Poliqon.info
