Rusiyanın Krasnoyarsk şəhərinin meri Vladislav Loqinov saxlanılıb.
Yeniavaz.com TASS-a istinadla xəbər verir ki, bu barədə şəhər hüquq-mühafizə orqanları məlumat yayıb.
Məlumata görə, şəhər meri rüşvət almaqda şübhəli bilinərək saxlanılıb.
Hazırda hüquq-mühafizə orqanlarının əməkdaşları tərəfindən əməliyyat tədbirlərinin davam etdirildiyini bildirir.
Digər tərəfdən, mer saxlanılandan sonra Krasnoyarsk administrasiyasında axtarışlar başlayıb.
“Vladislav Loqinov Krasnoyarskda saxlanılsa da, həbs-qətimkan tədbiri Moskvada seçiləcək”, - agentlik əlavə edib.
