London Kral Kollecinin tədqiqatçılarının rəhbərlik etdiyi beynəlxalq elm adamları qrupu bəzi insanların həyat hadisələrinə nə üçün digərlərindən daha güclü reaksiya verdiyini izah edə bilən genləri kəşf ediblər.
Tədqiqat Nature Human Behavior (NHB) jurnalında dərc olunub.
Tədqiqat müəyyən edib ki, insanın ətraf mühitə olan həssaslığı narahatlıq, depressiya, DEHB (diqqət çatışmazlığı hiperaktivlik pozuqluğu), autizm və gündəlik təcrübələrin necə təzahür etdiyinə təsir edə bilər.
Alimlər müxtəlif ölkələrdən 22 minə yaxın eyni əkizin məlumatlarını araşdırıblar. Eyni genlərə malik olan, lakin fərqli həyat tarixçələri olan əkizlər, insanın DNT-sinin hansı hissələrinin onları xarici dünyaya daha çox və ya daha az həssas etdiyini müəyyən etməyə kömək edib.
Məlum olub ki, bəzi insanlar genetik olaraq daha çox “həssas” olurlar – onlar daha çox stress yaşayırlar və ya əksinə, müsbət hadisələrdən daha çox faydalanırlar. Bu, eyni şərtlərin niyə fərqli insanlarda psixi sağlamlığa fərqli təsir etdiyini izah etməyə kömək edir. Beynin böyüməsi və inkişafı ilə əlaqəli genlər autizm əlamətlərinə qarşı həssaslıqla, stresə cavab verən genlər depressiya əlamətləri ilə əlaqələndirilib.
Tədqiqatçılar vurğulayırlar ki, bu kəşf genlərin və ətraf mühitin qarşılıqlı əlaqəsini anlamaqda irəliyə doğru bir addımdır. Gələcəkdə bu cür məlumatlar psixi pozğunluqların müalicəsi və qarşısının alınması üçün daha fərdi yanaşmalar yaratmağa kömək edə bilər.
//Gülnarə Abasova, Editor.az
