Ermənistanın Baş naziri Nikol Paşinyan Müqəddəs Eçmiədzin Ana Patriarxlığının azad edilməsi və Katolikosluğa yeni seçkilərin keçirilməsi üçün fəal tədbirlərin görülməsinin zəruriliyini təklif edib.
“Cebheinfo.az”-ın məlumatına görə, Paşinyan bu barədə özünün “Facebook” səhifəsində yazıb. Paşinyan, həmçinin bu məqsədlə koordinasiya qrupunun yaradılmasının zəruriliyini qeyd edib.
“Koordinasiya qrupunun üzvləri diri Rəbbimiz İsa Məsihə bütün ürəkləri ilə inanan, ən azı bir dəfə İncili əvvəldən axıra qədər oxuyan, son beş ildə ən azı bir dəfə Oruc tutan, hər gün dua edən Erməni Apostol Müqəddəs Kilsəsinin davamçıları ola bilər. Hesab edirik ki, Ana Taxt-tacın yenilənməsi gündəliyi Erməni Apostol Müqəddəs Kilsəsinin, xalqımızın və dövlətimizin maraqlarına əsaslanır və əcdadlarımızın müqəddəs ənənəsinə uyğundur”,- Paşinyan belə yazıb.
“Koordinasiya qrupunun üzvləri həm kişilər, həm də qadınlar, həm sadə insanlar, həm də din xadimləri ola bilər”,- deyə Baş nazir əlavə edib.
O bildirib ki, yarıdini ruhanilərə gəldikdə, onların subaylıq andını pozmaması məcburidir.
Paşinyan qeyd edilən meyarlar üzrə müzakirələrin qiymətləndirilməsi əsasında koordinasiya qrupunun ilk 10 üzvünün seçilməsini təklif edib. Baş nazirin sözlərinə görə, qrup özü sonradan genişləndirmə prosedurlarını, strukturunu və digər mümkün məsələləri müəyyən edəcək.
