BAKI, 10 iyun. TELEQRAF
“Ermənistanın sabiq prezidentləri Robert Köçəryan və Serj Sərkisyanın siyasi gələcəyi yoxdur”.
Teleqraf xəbər verir ki, bunu Ermənistan parlamentinin sədri Alen Simonyan deyib.
“Köçəryan və ya Serjin komandasında olan və ya iştirak edən və edəcək şəxslərin hamısının siyasi gələcəyi ola bilməz, bu qüvvələr keçmiş qüvvələridir və siyasi sahənin (məhv olmuş) dinozavrlarıdır. Bir gün Ermənistan Respublikasının yeni hökuməti olanda o, mütləq bu dairələrdən olmayacaq. Partiyaların dəyişdirilməsi, bığların böyüməsi və saçların rənglənməsi onları xilas etməyəcək”, - spiker bildirib.
