Pekin Avropa İttifaqından donuz əti idxalına dair bir il əvvəl başlatdığı antidempinq araşdırmasını uzatmaq qərarına gəlib.
Çin Ticarət Nazirliyi bildirib ki, işin “mürəkkəbliyi” səbəbindən təhqiqat altı ay, dekabrın 16-dək uzadılacaq.
Finss.az xəbər verir ki, Ticarət Nazirliyi bildirib ki, agentlik Çin Heyvandarlıq Assosiasiyasının yerli istehsalçılar adından verdiyi müraciətə cavab olaraq 17 iyun 2024-cü ildə araşdırmaya başlayıb. Bu, Avropa Komissiyasının Çinin elektromobillərinin Aİ-yə idxalına əlavə rüsumlar tətbiq etmək niyyətini elan etməsindən bir neçə gün sonra baş verib.
“The Wall Street Journal” yazır ki, istintaqın uzadılması Çinin ABŞ-la ticarət müharibəsi fonunda əsas tərəfdaşlarla münasibətləri yaxşılaşdırmağa çalışdığını göstərə bilər.
Aprel ayında Pekin Aİ-dən brendi idxalı ilə bağlı oxşar araşdırmanı üç ay, iyul ayına qədər uzadıb.
