Los-Ancelesdəki iğtişaşların təşkilatçıları “Antifa” solçu radikal qruplaşmalar ola bilərdi.
Publika.az xəbər verir ki, bu barədə amerikalı politoloq Pavel Dubravski "Lenta.ru"ya danışıb.
"Nümunə antifaya çox bənzəyir: izdihamdan kimsə polisə hücum edir və yenidən izdihamın arasına girir. Polis onu çıxarmağa çalışır, bu isə digərlərinin aqressiyasına səbəb olur", - deyə o qeyd edib.
Politoloqun fikrincə, talanları başqa strukturların təşkil edə biləcəyini də istisna etmək olmaz.
Qeyd edək ki, Los-Ancelesdə keçirilən etirazların qəfil təyinatını dəyişərək iğtişaşlara çevrildiyi bildirilir. Nümayişçilər dükanları talan etməyə və şəhərin küçələrindəki abidələri dağıtmağa başlayıblar.
