Bu gün futbol üzrə Azərbaycan milli komandası növbəti matçını keçirəcək.
Offsideplus.az xəbər verir ki, Mərdəkanda baş tutacaq oyunda rəqib Macarıstan kollektivi olacaq.
Bu, baş məşqçi Fernandu Santuşun yığmamızda 10-cu oyunu olacaq. Portuqaliyalı çalışdırıcı arxada qalan 9 qarşılaşmanın heç birində qələbə sevinci yaşaya bilməyib: 2 heç-heçə, 7 məğlubiyyət.
Daha bir xoşagəlməz statistika odur ki, indiyədək macarlara qarşı keçirdiyimiz 7 oyunun hamısında uduzmuşuq.
10 iyun
Beynəlxalq yoldaşlıq görüşü
Azərbaycan - Macarıstan
Azərbaycan: Rza Cəfərov, Bəhlul Mustafazadə, Rəhman Daşdəmirov, Cəlal Hüseynov, Abbas Hüseynov, Elvin Cəfərquliyev, İsmayıl İbrahimli, Emin Mahmudov (k), Anatoli Nuriyev, Mahir Emreli, Renat Dadaşov
Macarıstan: Balaş Tot, Vili Orban, Loik Neqo, Marton Dardai, Andras Şafer, Bendequz Bolla, Zolt Nagi, Aleks Tot, Roland Şallai, Dominik Şoboslay (k), Barnabas Varqa
"Liv Bona Dea Arena". Saat 20:00
Baş hakim: Viktor Şimusik (Belarus)
Baş hakimin köməkçiləri: Sergey Kasavets, Anton Qusev (hər ikisi Belarus)
Dördüncü hakim: Cavid Cəlilov (Azərbaycan)
