Rusiyada “Apple”a qarşı açılan iş üzrə hökm çıxarılıb. “Apple”a qarşı açılan işə paytaxt Moskvada baxılıb. Məhkəmə “Apple”ın LGBT təbliğatı ilə məşğul olduğuna qərar verib və ABŞ-da yerləşən şirkəti 6 milyon rubl (təxminən 79 min dollar) cərimə ödəməyə məcbur edib.
Bu, bununla bağlı Rusiyada “Apple”a verilən ikinci cərimədir.
İlk dəfə mayın 19-da “Apple” ölkədə eyni iddia ilə 7,5 milyon rubl (təxminən 94 min dollar) cərimələnmişdi.
LGBT hərəkatı ötən il Rusiyada terrorçu və ekstremistlər siyahısına daxil edilib.
