Xəbər verdiyimiz kimi, bir neçə gün öncə Bakıda 20 yaşlı Dərya Namiz qızı Ağayeva ağır vəziyyətdə çatdırıldığı xəstəxanada vəfat edib.
Bizim.Media xəbər verir ki, Dərya Ağayevanın doğmaları vaxtsız ölümün təfərrüatını Baku TV-yə danışıblar.
MÖVZU İLƏ BAĞLI:
Bakıda tələbə qız faciəvi şəkildə dünyasını dəyişdi - FOTO
Onlar bildirirlər ki, sosial şəbəkələrdə yayılan məlumatların böyük qismi həqiqəti əks etdirmir. 20 yaşlı gənc qız universitet tələbəsi olmayıb, o, pirsinq və tatu ustası işləyirmiş.
Hadisənin baş verdiyi gün qarpız yedikdən sonra vəziyyəti pisləşib. Mərhumun bundan öncə də qıcılolmaları tuturmuş.
“Qarpız yedikdən sonra yatdı. 4-5 saat sonra anam məni yuxudan oyadıb dedi ki, Dərya özünü pis hiss edir, xəstəxanaya getməliyik. Təcili tibbi yardım maşınında komaya düşdü. Epilepsiyası var idi, zəhərlənib və qıcolma vəziyyətinə düşüb”, – deyə mərhumun qardaşı bildirib.
Daha ətraflı süjetdə:
Bizim.Media
