Bakı Ali Neft Məktəbinin (BANM) tələbəsi Gülşən Məmmədli ABŞ-ın Tulane Universitetinin doktorantura proqramına birbaşa qəbul olunaraq illik 100.000 ABŞ dolları məbləğində təqaüd qazanıb.
Operativ Media xəbər verir ki, Gülşən Məmmədli 2020-ci ildə BANM-a qəbul imtahanında 658 bal toplayaraq təhsil almağa başlayıb. Tələbəlik illəri ərzində müxtəlif beynəlxalq layihələrdə iştirak edib və qalib adını qazanıb.
Gənc tədqiqatçı, həmçinin ABŞ-nin New York University Tandon School of Engineering və Böyük Britaniyanın Leeds Universitetindən magistr təhsili üçün qəbul məktubları alıb.
