DÇ-2026-nın Cənubi Amerika zonası üzrə seçmə mərhələsində 16-cı turun oyunları keçirilib.
Fanat.Az xəbər verir ki, tur daha iki yığma komandanın final mərhələsinə vəsiqə qazanması ilə yadda qalıb.
Doğma divarlar arasında Paraqvaya 1:0 hesabı ilə qalib gələn Braziliya millisi mundiala vəsiqəni təmin edib. Karlo Ançelottinin baş məşqçisi olduğu “sambaçılar” qələbəni “Real Madrid”li Vinisius Juniorun vurduğu qolla qazanıb. Bununla da beşqat dünya çempionları 23-cü dəfə mundialda mübarizə aparacaqlar. Braziliya yeganə millidir ki, bütün çempionatlara qatılıb.
Səfərdə Peru ilə qolsuz heç-heçə edən Ekvador yığması da DÇ-2026-nın final mərhələsində iştirakını rəsmiləşdirib.
Vəsiqəyə daha erkən sahiblənən son dünya çempionu Argentina isə Kolumbiya ilə bərabərə qalıb.
Qeyd edək ki, Cənubi Amerika zonasından mundiala 6 komanda birbaşa vəsiqə qazanır.
DÇ-2026
Seçmə mərhələ, Cənubi Amerika zonası
11 iyun
Boliviya – Çili 2:0
Argentina – Kolumbiya 1:1
Braziliya – Paraqvay 1:0
Uruqvay – Venesuela 2:0
Peru – Ekvador 0:0
