"General Motors" (GM) iki il ərzində ABŞ-dakı zavodlarının gücünü artırmaq üçün 4 milyard dollar xərcləyəcək...
Poliqon Bloomberg-ə istinadən xəbər verir ki, investisiya şirkətə məşhur benzin modellərinin istehsalını artırmağa və Donald Tramp administrasiyası tərəfindən tətbiq edilən tariflərə uyğunlaşmağa kömək edəcək.
GM çərşənbə axşamı, iyunun 10-da bildirib ki, hazır avtomobillərin istehsalı Miçiqan, Kanzas və Tennessi ştatlarında yerləşən zavodlarda artacaq. Əsas modellərin istehsalı - yüksək gəlirli "Chevrolet Silverado" və "GMC Sierra" pikapları, eləcə də "Chevrolet Equinox SUV" - Meksikadan ABŞ-a köçürüləcək. Şirkət nümayəndəsinin sözlərinə görə, bu, 3000-dən 4000-ə qədər iş yeri yaradacaq.
Planlarla tanış olan mənbə bildirib ki, birgə investisiya GM-ə ABŞ-da ildə 2 milyondan çox avtomobil istehsal etməyə və Meksika zavodlarından asılılığını azaltmağa imkan verəcək. Təsirə məruz qalan modellərin Meksikada istehsalı davam edəcək, lakin daha kiçik həcmlərdə.
Poliqon.info
