Braziliya millisi DÇ-2026-nın seçmə mərhələsi çərçivəsində Paraqvaya qalib gələrək (1:0) final mərhələsinə vəsiqəni təmin edib.
İdmanxeber.az-ın məlumatına görə, Karlo Ançelottinin başçılıq etdiyi komandanın 25 xalı var və turnir cədvəlində 3-cü yerdədir. Seçmə mərhələnin başa çatmasına 2 tur qalmış Braziliya yığması 7-ci yerdə olan Venesuelanı 7 xal qabaqlayır.
2026-cı il dünya çempionatı ABŞ, Kanada və Meksikada baş tutacaq. Turnir iyunun 11-dən iyulun 19-dək keçiriləcək.Tarixdə ilk dəfə olaraq final turnirində 48 komanda mübarizə aparacaq.
