İsveçin Uppsala şəhərində yerləşən Universitetin Münaqişə Məlumatları Proqramının yeni araşdırmasına görə, 2024-cü il 1945-ci ildən bəri silahlı münaqişələrin sayı baxımından tarixdə ən qeyri-sabit il olub.
Herbiand.az bildirir ki, bu barədə The Times yazır.
Analitiklər 61 dövlət münaqişəsi qeydə alıb, onlardan 11-i genişmiqyaslı müharibələrə çevrilib. Müharibələr nəticəsində minlərlə insan həlak olub.
İlin ən qanlı münaqişəsi Rusiyanın Ukraynaya qarşı müharibəsi olub. 2024-cü ildə döyüşlərdə 76 mindən çox insan həlak olub ki, bu da dünyada bütün müharibələr arasında ən yüksək göstəricidir. Ölüm nisbətinə görə, Ukrayna baş verən hərbi əməliyyatlar, hətta Yaxın Şərq və Afrikadakı münaqişələri qabaqlayır.
Ümumilikdə, 2024-cü ildə “mütəşəkkil zorakılıq” nəticəsində təxminən 160 000 insan ölüb. Bu, itki ili baxımından 1994-cü ildə baş verən Ruanda soyqırımından sonra ən ölümcül dördüncü, 2022-ci ildən bəri isə ən aktiv ikinci ildir.
Mülki vətəndaşlar üçün vəziyyət isə daha da qorxulu olub. Ən azı 13 900 mülki şəxs qəsdən öldürülüb ki, bu da 2023-cü ildən 31% çoxdur. Məsələn, Qəzza kimi münaqişədə ölənlərin 98%-ni dinc sakinlər təşkil edir.
Bəxtiyar CƏFƏRLİ
