8 iyun 2025-ci il tarixində “Aquatic palace” idman qurğusunun çimərlik oyunları meydançasında çimərlik reqbisi üzrə ilk klublararası ölkə birinciliyi keçirilib.
Bizim.Media xəbər verir ki, yarışda 4 klubun (“Qarabağ”, “EAS Simurgh”, “Şamaxı OM” və “Dunya Warriors”) 12 yaşa qədər olan yeniyetmə reqbiçilərdən ibarət komandaları mübarizə aparıb.
Qrup mərhələsində klublar dairəvi sistem üzrə bir-biri ilə qarşılaşıblar.
Həmin görüşlərin nəticələrinə əsasən, “EAS Simurgh” və “Qarabağ” müvafiq olaraq 1-ci və 2-ci yerləri tutaraq final oyununa vəsiqə qazanıblar.
Finalda “EAS Simurgh” 4:3 hesabı ilə “Qarabağ”ı üstələməklə ilk ölkə birinciliyinin qalibi olub.
Qrup mərhələsində 3-cü və 4-cü yeri tutan “Dunya Warriors” və “Şamaxı OM” klubları isə 3-cü yer uğrunda görüşdə qarşı-qarşıya gəliblər. “Dunya Warriors” “Şamaxı OM”ni 4:3 hesabı ilə məğlub edərək bürünc medalları qazanıb.
Qeyd edək ki, yarışın ən yaxşı oyunçusu adına “Şamaxı OM” klubunun və U12 milli yığma komandamızın üzvü İsmayıl Salmanov layiq görülüb.
Bizim.Media
