Nüfuzlu “Opta Sports” statistik internet-portalı 2024/2025-ci illər mövsümünün yekunları üzrə dünyanın ən güclü liqalarını açıqlayıb.
Arena.az məlumat verir ki, müvafiq adı İngiltərə Premyer Liqası qazanıb.
İngilis klublarının orta gücü 92,6 bal qiymətindədir. 2-ci və 3-cü yerlərdə şərikli olaraq İtlaiya A Seriyası və İspaniya La Liqası yer alıblar. İtalyan və ispan klublarının orta gücü 87 bal olaraq qiymətləndirilir.
30 çempionatdan ibarət siyahıda Renat Dadaşov və Rahil Məmmədovun oynadığı Polşa Ekstraklasası 16-cı, ötən il Musa Qurbanlının çıxış etdiyi İsveç Alssvenskanı 19-cu yer tutub. Türkiyə Super Liqası Mahir Emrelinin son mövsüm parladığı Almaniya İkinci Bundesliqası və İspaniya Sequndası ilə 20-22-ci yerləri bölüşdürüb.
“Opta Sports” statistik internet-portalına görə, dünyanın ən güclü liqalarının onluğunu təqdim edirik:
- İngiltərə Premyer Liqası – 92,6 bal;
- İtaliya A Seriyası – 87 bal;
- İspaniya La Liqası – 87 bal;
- Almaniya Bundesliqası – 86,3 bal;
- Fransa Liqa 1 – 85,5 bal;
- İngiltərə Çempionşipi – 80,9 bal;
- Belçika Liqası – 80,5 bal;
- Portuqaliya Premyer Liqası – 79,8 bal;
- Braziliya A Seriyası – 79,4 bal;
- Niderland Eredivizisi – 78,8 bal.
