Keçmiş Milli Basketbol Assosiasiyasının (NBA) oyunçusu və dördqat All-Star DeMarkus Cousins, cari Puerto Riko çempionatının qalan hissəsi üçün diskvalifikasiya edilib.
90deqiqe.Az-ın məlumatına görə, bu barədə liqanın mətbuat xidməti məlumat yayıb.
Basketbolçu əlavə olaraq 4,250 dollar məbləğində cərimə olunub. Bundan başqa, ona qarşı daha 5,750 dollar əlavə cərimə tətbiq oluna bilər. Lakin Cousinsin bu qərara etiraz etmək hüququ var.
Qeyd edək ki, DeMarcus Cousins bu yaxınlarda Puerto Riko çempionatının bir oyununda azarkeşlərlə mübahisə etmişdi. O, azarkeşin onu təqlid etməsindən narahat olmuş və hadisəyə emosional reaksiya vermişdi. Bu isə digər tamaşaçıların da reaksiyasına səbəb olmuş və nəticədə tribunadakı çoxsaylı azarkeşlərlə söz atışması baş vermişdi.
