İtaliyanın “Milan” klubu vinger Rafael Leau üçün yüksək qiymət tələb edir.
90deqiqe.Az-ın məlumatına görə, klub futbolçunun transferindən 90-100 milyon avro arasında gəlir əldə etməyi planlaşdırır.
Əvvəllər “Bavariya” 26 yaşlı futbolçuya maraq göstərsə də, hələlik rəsmi təkliflər daxil olmayıb. Münasib təklif alınmasa, portuqaliyalı futbolçu “Milan”da qalacaq. Yeni baş məşqçi Massimiliano Alleqrinin planlarında Leau da yer alır və o, növbəti mövsümdə komandaya kömək etməyi gözləyir.
Son başa çatan A Seriya mövsümündə Rafael Leau 34 oyunda meydana çıxaraq 8 qol vurub və 8 məhsuldar ötürmə ilə yadda qalıb.
