“Şaxtyor” 29 yaşlı qapıçı, “Trabzonspor”un və Türkiyə millisinin üzvü Uğurcan Çakırın transferi uğrunda mübarizəyə qoşulub.
Publika.az xəbər verir ki, bu barədə jurnalist Yağız Sabuncuoğlu məlumat yayıb.
Onun sözlərinə görə, türkiyəli qolkiperlə həmçinin ölkə nəhəngləri “Qalatasaray” və “Fənərbaxça” da maraqlanır. Lakin hazırda favorit klub Fransa təmsilçisi “Monako” hesab olunur.
Fransa təmsilçisi artıq 9 milyon avroluq ilk təklifini göndərib, lakin bu məbləğ rədd edilib. “Trabzonspor” futbolçusunu təxminən 15 milyon avroya satmağı planlaşdırır.
Uğurcan Çakır “Trabzonspor”un yetirməsidir və klubun heyətində 288 rəsmi oyunda meydana çıxıb. Bu qarşılaşmalardan 89-da qapısını toxunulmaz saxlayıb. Milli komandada isə 31 oyunu var.
