ABŞ dövlət katibi Marko Rubio Amerika xalqı adından Rusiya vətəndaşlarını Rusiya Günü münasibətilə təbrik edib və Vaşinqtonun Moskva ilə konstruktiv münasibətlər qurmaq istədiyini bəyan edib.
Bizim.Media xəbər verir ki, təbrik ABŞ Dövlət Departamenti tərəfindən yayılıb.
“Amerika xalqı adından Rusiya vətəndaşlarını Rusiya Günü münasibətilə təbrik edirəm. Biz bu fürsətdən istifadə edərək Birləşmiş Ştatların Rusiya Federasiyası ilə konstruktiv əməkdaşlıq etmək niyyətini bir daha təsdiqləmək istəyirik. Məqsədimiz Rusiya ilə Ukrayna arasında davamlı sülhün təmin olunmasıdır”, – deyə ABŞ dövlət katibinin təbrikində qeyd olunur.
Rubio, həmçinin, Ukraynadakı münaqişənin tənzimlənməsinin gələcəkdə Vaşinqtonla Moskva arasında qarşılıqlı faydalı münasibətlərə yol açacağına ümid etdiyini vurğulayıb.
Bizim.Media
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
