Aİ Çin banklarını hədəfə alıb - VİDEO

AzVision.az xəbər verir ki, “Bloomberg” agentliyinin dərc etdiyi materilada məhdudiyyətlər çərçivəsində Çinin Rusiya ilə sərhədi yaxınlığında yerləşən iki regional kredit təşkilatı ilə hər hansı əməliyyatların qadağan olunacağı bildirilir.

Məqalədə vurğulanır ki, iki Çin bankı Rusiya tərəfinə Aİ-nin mövcud ticarət məhdudiyyətlərindən yan keçməyə kömək etməkdə şübhəli bilinir. Bununla belə, Çinin hansı kredit təşkilatlarının sanksiyalara məruz qalacağı dəqiqləşdirilməyib.

Rusiyaya qarşı 18-ci sanksiyalar paketi gələn həftə qəbul oluna bilər

Xatırladaq ki, mayın 20-də Aİ Şurası Rusiyaya qarşı 17-ci sanksiyalar paketini təsdiqləyib. Bundan dərhal sonra Avropa diplomatiyasının rəhbəri Kaya Kallas 18-ci anti-Rusiya sanksiyalar paketinə hazırlıqlara başlandığını elan edib. Onun sözlərinə görə, Aİ bu addımı ona görə atır ki, “Rusiya sülh istəsin”.

Kaya Kallas qeyd edib ki, Rusiyaya qarşı 18-ci sanksiyalar paketinin əsas komponenti enerji sektorunda tədbirlər olacaq və məhdudiyyətlər ilk növbədə neftin yuxarı qiymətinin azaldılmasını nəzərdə tutacaq.


Sahil İsgəndərov
AzVision.az