Omsk, İrkutsk, Novosibirsk, Pskov, Bryansk və Kalininqrad vilayətlərinin, eləcə də Udmurt Respublikasının sakinləri mobil internetlə bağlı problemlər yaranıb.
Herbiand.az Rusiya mənbələrinə istinadən xəbər verir ki, bu problem artıq 5 gündür ki, davam edir. barədə məlumat veriblər.
Omsk vilayətinin qubernatoru Vitali Xotsenko vəziyyəti iki dəfə şərh edib: 8 iyun və 10 iyun. O, əvvəlcə nasazlıqları "müntəzəm texniki xidmət işləri və yeni texnikanın sınaqdan keçirilməsi" ilə izah edib. Bir neçə gün sonra Xotsenko yazıb ki, “hazırkı vəziyyət, ilk növbədə, bizim təhlükəsizliyimizlə bağlı məsələlərin həllinə aiddir və bu, ən vacib məsələdir”.
İrkutsk vilayətinin Usolski rayonunun rəhbəri Vitali Matyuxa internetlə bağlı problemləri eyni şəkildə izah edib. Onun paylaşımının altındakı şərhlərdə yerli sakinlər iki düşərgəyə bölünüb: onların bəziləri anlayışlı, bəziləri isə geriyə “XX əsrə sürükləndiklərindən” şikayətlənib.
Pskov və Velikiye Lukidə də mobil internet sıradan çıxıb. “Pskovskaya Lenta Novostey” nəşri xəbər verir ki, rayon mərkəzində rabitə problemlərinə görə taksi xidmətləri fasilələrlə işləyir.
“Downdetector” xidmətinin məlumatına görə, Novosibirsk və Kalininqrad vilayətlərində, eləcə də Udmurt Respublikasında internetə çıxışla bağlı problemlərdən şikayət edilir.
Murmansk vilayətinin qubernatoru bölgə sakinlərinə xəbərdarlıq edib ki, sabah, iyunun 12-də qeyd olunan Rusiya Günündə internet kəsilməsi mümkündür.
Rostov vilayətindəki “Biline” müştəriləri əlaqənin mümkün kəsilməsi barədə xəbərdarlıq mesajları aldılar. Abunəçilərə pulsuz olaraq 100 SMS göndərmək imkanı yaradılıb.
