Cənubi Koreya Şimali Koreya ilə sərhəddə səsgücləndiricilər vasitəsilə Şimali Koreya əleyhinə təbliğat yayımını dayandırıb. Onlar xəbərlər və K-Pop mahnıları yayımlamaq üçün istifadə olunurdu.
Poliqon İndependent-ə istinadən xəbər verir ki, Seul bu addımı şimal qonşusu ilə gərginliyi azaltmaq məqsədilə atıb.
Cənubi Koreyanın Müdafiə Nazirliyi qərarın "Koreyalararası münasibətlərdə etimadı bərpa etmək və Koreya yarımadasında sülhü təşviq etmək" məqsədi daşıdığını bildirib.
Səsgücləndiricilər bir neçə il səssiz qalıb, lakin 2024-cü ilin iyununda yenidən işə başlayıblar. Bu hərəkət gərginliyin artmasından sonra, o cümlədən Şimali Koreyanın Cənubi Koreyaya 7000-ə yaxın tullantı şarını buraxmasından sonra baş verib.
Qeyd olunur ki, bundan əvvəl Cənubi Koreyanın yeni seçilmiş prezidenti Li Çje Myon Seul və Pxenyan arasında münasibətlərin yaxşılaşdırılması üçün çalışacağına söz verib. O, həmçinin sərhəddə səsgücləndiricilərdən istifadəni dayandıracağını bildirib. Müəlliflər yazır ki, Şimali Koreya Rusiya ilə münasibətlərə üstünlük verdiyi üçün sürətli dialoqun perspektivləri qaranlıq olaraq qalır.
Poliqon.info
