ain.az bildirir, Reyting.az saytına əsaslanaraq.
ABŞ Yaxın Şərqdəki səfirliklərinə təhlükənin təhlili və şəxsi heyətin təhlükəsizliyini təmin etmək üçün tədbirlər görmək əmri verib. Çünki İsrail yaxın günlərdə hətta ABŞ-nın dəstəyi olmadan, İrana qarşı birtərəfli hərbi əməliyyatların mümkünlüyünü nəzərdən keçirir. Reyting.az xəbər verir ki, bunu öz mənbələrinə istinadla “Sky News” nəşri yazıb.İsrailin planları ABŞ prezidenti Donald Tramp administrasiyasının İranın nüvə proqramının diplomatik həlli ilə bağlı Tehranla danışıqlar aparması barədə məlumatlar fonunda intensivləşib. İsrail isə potensial sazişin bəzi müddəalarını, xüsusən də uranın icazə verilən zənginləşdirilməsini qəbuledilməz sayır.Hücum ehtimalı Vaşinqtonda narahatlıq yaradır. Buna cavab olaraq, ABŞ bölgədəki İran raketlərinin atış məsafəsində ola biləcək səfirliklərə təhlükənin qiymətləndirilməsinə hazırlaşmağı əmr edib. ABŞ-nın Bağdaddakı səfirliyindən qeyri-vacib işçilərin təxliyəsi də başlayıb, Bəhreyn və Küveytdəki personala isə ölkəni tərk etmək imkanı yaradılıb.Tramp administrasiyası İsrailin mümkün hərəkətləri ilə bağlı Konqresə hələ rəsmi məlumat verməyib. ABŞ prezidenti müsahibəsində regionda vəziyyətin təhlükəli xarakter aldığını təsdiqləyib: “Onların (İran) nüvə silahı ola bilməz. Biz buna imkan verməyəcəyik”.Bu arada Omanın paytaxtı Maskatda ABŞ və İran nümayəndələri, xüsusilə ABŞ-nın xüsusi nümayəndəsi Stiv Vitkoff və İranın Xarici işlər naziri Abbas Əraqçi arasında görüş planlaşdırılır. Onlar sanksiyaların yüngülləşdirilməsi müqabilində İranın nüvə proqramı ilə bağlı son təkliflərinə cavabı müzakirə edəcəklər.İran nüvə proqramının sırf dinc məqsədli olduğunu təkrarlayır və “ABŞ-nın təhdidləri faktları dəyişməyəcək”,- deyir.Xatırladaq ki, İranın nüvə proqramı 1950-ci illərdə başlayıb və o vaxtdan bəri onun nüvə silahı yarada biləcəyi ilə bağlı beynəlxalq narahatlıqlar artır. 2015-ci ildə İran sanksiyaların aradan qaldırılması müqabilində uranın zənginləşdirilməsini məhdudlaşdırmağa razılaşan aparıcı ölkələrlə saziş bağlayıb. 2018-ci ildə ABŞ bu sazişdən çıxıb və İran tədricən nüvə fəaliyyətini bərpa edib. İran israr edir ki, onun proqramı dinc xarakterlidir, lakin Qərb, xüsusən də İsrail və ABŞ onun hərbi potensialından qorxur.Beynəlxalq Atom Enerjisi Agentliyinin hesabatında deyilir ki, İran silah səviyyəsinə yaxın zənginləşdirilmiş böyük miqdarda uran ehtiyatı saxlayıb. Agentlik buna görə də Tehranı kursunu dəyişməyə çağırıb.Onu da qeyd edək ki, ABŞ İraqdakı səfirliyinin əməkdaşlarını və hərbçilərin ailələrini bölgədən qismən çıxarır. D. Tramp bu tədbiri vəziyyətin gərginləşməsi ilə əlaqələndirib.Y. QACAR Ən son xəbərləri və yenilikləri almaq üçün ain.az saytını izləyin.
if (!$ISMOBILE) : ?>
include(__DIR__.'/320x100.php');?>
