FİFA 2029-cu ildə Klublararası Dünya Çempionatının formatını dəyişmək və iştirakçıların sayını 48 komandaya çatdırmaq niyyətindədir.
90deqiqe.Az-ın məlumatına görə, bu barədə “The Guardian” nəşri məlumat yayıb.
Mənbənin bildirdiyinə görə, 2025-ci ildə keçiriləcək turnirin uğurlu alınacağı təqdirdə, genişlənmə məsələsi ciddi şəkildə gündəmə gətiriləcək. Hazırkı formatda Avropadan cəmi 12 klubun iştirak edə bilməsi qitənin aparıcı komandaları üçün məhdudiyyət yaradır. İştirakçı sayının artırılması bu problemi aradan qaldırmaq məqsədi daşıyır.
Gələcək turnirdə iştirakla bağlı maraq artıq bir sıra nəhəng klublar tərəfindən ifadə olunub. “Barselona”, “Arsenal”, “Liverpul”, “Mançester Yunayted” və “Milan” bu kontekstdə adı çəkilən komandalar sırasındadır.
FİFA 2025-ci il turnirindən sonra maraqlı tərəflərlə bir araya gələrək 2029-cu il Klublararası Dünya Çempionatının formatı və strukturu ilə bağlı geniş məsləhətləşmələr aparmağı planlaşdırır.
