ain.az, Oxu.az portalından verilən məlumatlara əsaslanaraq xəbər verir.
İsmayıllı rayonundakı Aşıqbayramlı su anbarı ətrafında yaranmış antisanitar vəziyyət bölgə sakinlərinin haqlı narahatlığına səbəb olub.
Oxu.Az-a ünvanlanan müraciətdə vurğulanıb ki, gölün ətrafına nəzarət edən yoxdur.
"Əraziyə peyin və məişət tullantıları atılıb. Nə təmizləyən, nə də baxan var. Belə gözəl mənzərəli yerə gəlirsən, ancaq oradakı üfunətdən nəfəs almaq mümkün deyil", - deyə şikayətdə bildirilir.
Problemlə bağlı İsmayıllı Rayon İcra Hakimiyyətindən Oxu.Az-ın sorğusuna cavab olaraq bildirilib ki, şikayət nəzərə alınaraq su anbarının ətrafı tam təmizlənib və ərazi əvvəlki vəziyyətinə qaytarılıb.
if (!$ISMOBILE) : ?>
include(__DIR__.'/320x100.php');?>
"Həmçinin bildiririk ki, Aşıqbayramlı su anbarı Azərbaycan Dövlət Su Ehtiyatları Agentliyinin tabeliyində "Regional Su Meliorasiya Xidməti" publik hüquqi şəxsin İsmayıllı Su Meliorasiya Sistemlərinin İstismarı İdarəsinin balansındadır", - deyə məlumatda bildirilir.
Əzizə İsmayılova
Daha ətraflı məlumat və yeniliklər üçün ain.az saytını izləyin.
