Almaniyanın cənubunda fəaliyyət göstərən və 1938-ci ildə təsis olunan "Schuh Graf GmbH & Co. KG" 4 iyun 2025-ci il tarixində iflas üçün müraciət edib. Şirkət prosesə "özünüidarəetməli restrukturizasiya" modeli ilə davam edir. İflas işi Ştutqart Sülh Məhkəməsi tərəfindən aparılır.
Manset.az-ın əldə etdiyi məlumata görə, hazırda 27 mağazaya və 160 işçiyə sahib olan şirkət fəaliyyətini davam etdirdiyini, işçilərin maaşlarının isə üç ay Almaniya Müflisləşmə Fondu tərəfindən ödəniləcəyini bildirib.
İflasın səbəbi kimi zəif istehlak tələbi, yüksək xərclər və onlayn satış rəqabəti göstərilir. Restrukturizasiya çərçivəsində bəzi mağazalar bağlana və ya investor axtarışına çıxıla bilər.
