ABŞ Dövlət Katibi Marko Rubio “Rusiya Günü” ilə bağlı təbrikini dərc edib və bildirib ki, ABŞ “rus xalqını dəstəkləməyə sadiqdir”.
ABŞ Dövlət Departamentinin saytında “Amerika xalqı adından” təbriki yer alıb. Mətndə qeyd olunur ki, ABŞ Ukraynada sülhə nail olmaq üçün Rusiya ilə “konstruktiv əməkdaşlığa” sadiqdir: “Birləşmiş Ştatlar Rusiya xalqının daha yaxşı gələcəyə istəklərini qurmağa davam edərkən onlara dəstək olmağa sadiqdir.
Biz də bu fürsətdən istifadə edərək ABŞ-ın Rusiya və Ukrayna arasında davamlı sülhə nail olmaq üçün Rusiya Federasiyası ilə konstruktiv əməkdaşlığa sadiqliyini bir daha təsdiqləyirik. Ümid edirik ki, sülh ölkələrimiz arasında daha qarşılıqlı faydalı münasibətlərə kömək edəcək”, – Rubio bildirib.
//Samir Qurbanov, Editor.az
