Hindistanın Ahmedabad şəhərindən Londona uçan Air India-nın Boeing 787-8 Dreamliner təyyarəsi qəzaya uğrayıb.
Ceyhun Hacıyev: "PAŞA Kapital" bazara "Birbank İnvest" məhsulunu çıxaracaq"
FED.az xəbər verir ki, təyyarədə 230 sərnişin və 12 ekipaj üzvü olmaqla 242 nəfər olub. Qəza şəhərin sıx məskunlaşmış Meghaninagar ərazisində baş verib, təyyarə havaya qalxdıqdan sonra mayday siqnalı verərək hava nəzarəti ilə əlaqəsini itirib.
Hadisə yerinə xilasetmə və yanğınsöndürmə qüvvələri göndərilib, yaralılar xəstəxanaya çatdırılıb. Rəsmi itki barədə məlumat hələ təsdiqlənməsə də, ilkin məlumatlar təyyarənin yaşayış binalarına çırpıldığını göstərir. Boeing şirkəti qəza ilə bağlı araşdırmalar aparır və vəziyyəti yaxından izləyir.
Qəza Boeing üçün ciddi zərbə olub, şirkətin səhmləri fond bazarında 8%-dən çox düşərək 196.52 dollara enib. Hadisə Boeing-in təhlükəsizlik rekorduna dair narahatlıqları yenidən gündəmə gətirib və geniş araşdırma başlanıb. Hindistan hökuməti şəffaflıq və sürətli araşdırma barədə vəd verib.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
