ain.az, Bizimyol portalına istinadən məlumat verir.
Cümə axşamı, iyunun 12-də Ukrayna Rusiya ilə növbəti məhbus mübadiləsi həyata keçirib.
Bizimyol.info xəbər verir ki, Ukrayna prezidenti Vladimir Zelenski hərbçilərin, milli qvardiyaçıların və sərhədçilərin vətənə qayıtdığını bildirib.
“Hər kəsin müalicəyə ehtiyacı var və onlara mütləq lazımi köməklik göstəriləcək. Bu, artıq ağır yaralı və ağır xəstələrin geri qayıtmasının ikinci mərhələsidir. Biz hər kəsi rus əsirliyindən geri qaytarmaq üçün işimizi davam etdiririk”, - deyə o, "Telegram"da bildirib.
Bundan əlavə, Ukrayna lideri bu mübadilələrin mümkünlüyünə kömək edən hər kəsə təşəkkür edib.
Əsirlərin Müalicəsi üzrə Koordinasiya Qərargahı "Telegram"da qeyd edib ki, böyük əsir mübadiləsinin növbəti mərhələsi çərçivəsində İstanbuldakı razılaşmalara uyğun olaraq, ağır yaralı və ağır xəstələrdən ibarət bir qrup Müdafiəçi Rusiya əsirliyindən azad edilib.
“Ukrayna Silahlı Qüvvələrinin, xüsusilə Hava Hücum Qoşunlarının, Hərbi Dəniz Qüvvələrinin, Hərbi Hava Qüvvələrinin, Müdafiə Qüvvələrinin Qoşunlarının, həmçinin Dövlət Sərhəd Xidmətinin və Ukrayna Milli Qvardiyasının hərbçiləri öz vətənlərinə qayıdıblar”, - məlumatda deyilir.
Bu gün azad edilənlər arasında üç ildən artıq əsirlikdə olan Mariupol Müdafiəçilərinin də olduğu vurğulanır. Sərbəst buraxılan Müdafiəçilərin hamısı kişilər, sıravi heyətin nümayəndələri və çavuşlardır.
if (!$ISMOBILE) : ?>
include(__DIR__.'/320x100.php');?>
“Bu gün azad edilən Ukrayna əsgərlərindən bəziləri hərbi əməliyyatlarda itkin düşmüş hesab edilib”, – deyə Qərargah qeyd edib. Beləliklə, Donetsk, Xerson, Xarkov, Zaporojya və Luqansk istiqamətlərində döyüşmüş ukraynalılar vətənə qayıdırlar.
“Əsirlikdən azad edilmiş müdafiəçilər lazımi tibbi müayinədən keçəcək, fiziki və psixoloji reabilitasiyaya köməklik göstərəcək, habelə əsirlikdə qaldıqları bütün müddət üçün bütün lazımi ödənişləri alacaqlar”, - deyə məlumatda bildirilir.
Qərargah qeyd edib ki, bugünkü mübadilə 25 yaşadək hərbi qulluqçular, eləcə də ağır yaralılar və ağır xəstələr kateqoriyaları üzrə daha geniş mübadilənin tərkib hissəsidir.
“Koordinasiya Qərargahı öz işini davam etdirir və yaxın vaxtlarda ukraynalı müdafiəçilərin buraxılmasının növbəti mərhələsi keçiriləcək”, - deyə məlumatda bildirilir.
Ukrayna mətbuatının verdiyi məlumata görə, iyunun 9-da Zelenski yaxın günlərdə bir neçə mərhələdə davam edəcək mübadilənin başlandığını elan edib. O bildirib ki, hazırda geri qaytarılanlar arasında yaralılar və ağır yaralılar, həmçinin yaşı 25-dən aşağı olanlar da var.
İyunun 10-da ağır yaralı və ağır xəstələrin rus əsirliyindən qayıtmasının birinci mərhələsi baş tutdu. Təhlükəsizlik məqsədilə azadlığa buraxılan şəxslərin dəqiq sayı mübadilə prosesi başa çatdıqdan sonra açıqlanır.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
