BAKI, 12 iyun. TELEQRAF
ABŞ administrasiyası qiyməti 5 milyon dollar olan “qızıl kart” üçün ərizələrin verilməsi üçün yeni onlayn resurs istifadəyə verib.
Teleqraf xəbər verir ki, həmin karta sahib olanlar ölkədə daimi yaşamaq imkanı qazanacaq.
Prezident Donald Tramp vurğulayıb ki, bu addım varlı xarici vətəndaşları ölkəyə cəlb etmək məqsədi daşıyır və potensial olaraq ABŞ-yə 5 trilyon dollara qədər fayda gətirə bilər.
O, gələcəkdə milyondan çox belə kartın buraxıla biləcəyinə də əminliyini ifadə edib.
