Hindistanın Əhmədabad şəhərinin polisi bildirib ki, Londona uçan Air India təyyarəsinin qəzaya uğraması nəticəsində 240-dan çox adam ölüb..
Poliqon bu barədə Reuters agentliyinə istinadən xəbər verir.
Media daha əvvəl ölənlərin sayının 294 olduğunu bildirmişdi. Yüksək rütbəli Əhmədabad polisi Vidhi Çaudhari agentliyə bildirib ki, daha əvvəl elan edilmiş ölənlərin sayına bədən hissələri daxildir.
Təyyarə iyunun 12-də Hindistanın qərbindəki Qucarat ştatında yerləşən Əhmədabad hava limanının yaxınlığında, Meqaninaqar bölgəsində baş verib. Təyyarə göyərtəsində 242 sərnişinlə Londona uçurdu. Polis əlavə edib ki, təcili yardım qrupları, o cümlədən yanğınsöndürənlər hadisə yerinə sürətlə gəliblər.
Hindistanın ANI agentliyi bir müddət əvvəl Air India Boeing 787 təyyarəsinin qəzaya uğradığı yerdə sağ qalan bir nəfərin tapıldığına aydınlıq gətirib. Onun hazırda müalicəsinin davam etdiyi bildirilir.
Poliqon.info
