Ermənistan Baş nazirinin müavini Mher Qriqoryan ötən gün Nikol Paşinyanın Türkiyəyə səfərə gedəcəyi ilə bağlı yayılan məlumatı təkzib etməyib.
Publika.az xəbər verir ki, o, News.am-a müsahibəsində bu məsələyə toxunmaq istəməyib.
"Mən bu məlumatı şərh etmirəm. Rəsmi məlumatı izləyin", - Qriqoryan deyib.
Ermənistanla Azərbaycan arasında sərhədin demarkasiyası üzrə komissiyanın işini şərh edən Mher Qriqoryan təmasların olduğunu deyib.
Xatırladaq ki, Ermənistan KİV-i Nikol Paşinyan iyunun 20-də Ankaraya səfər edəcəyi ilə bağlı məlumat yayıb.
